తెరాసదే విజయం

50 శాతానికి పైగా ఓట్లు వస్తాయి

ఉమ్మడి నల్గొండ జిల్లా నేతలతో కేసీఆర్‌

ఈనాడు, హైదరాబాద్‌: మునుగోడు ఉప ఎన్నికలో తెరాస గెలుపును ఎవరూ అడ్డుకోలేరని, సర్వేలన్నీ ఇదే చెబుతున్నాయని ముఖ్యమంత్రి కేసీఆర్‌ తెలిపారు. పార్టీ అభ్యర్థికి 50 శాతం ఓట్లు వస్తాయని, మిగిలిన 50 శాతంలో రెండు, మూడు స్థానాలు ఎవరికి వస్తాయో  భాజపా, కాంగ్రెస్‌ తేల్చుకుంటాయన్నారు. బుధవారం తెలంగాణభవన్‌లో సమావేశం అనంతరం ప్రగతిభవన్‌కు వెళ్లిన సీఎంను..మంత్రి జగదీశ్‌రెడ్డి, ఉమ్మడి నల్గొండ జిల్లా నేతలు అక్కడే కలిశారు. ఈ సందర్భంగా సీఎం మాట్లాడుతూ, మునుగోడు ఉప ఎన్నికల షెడ్యూలు వచ్చినప్పటి నుంచి తెరాసలో శ్రేణుల్లో ఉత్సాహం పెరిగిందని, భారాసను ఆహ్వానిస్తూ  ఊరూరా సంబురాలు జరుపుకొంటున్నారన్నారు. అక్కడ తెరాస గ్రాఫ్‌ రోజురోజుకూ పెరుగుతోందన్నారు. పార్టీ నేతలంతా ఎవరికి అప్పగించిన పని వారు చేస్తే ఊహించిన స్థాయిలో విజయం సాధించడం కష్టమేమీ కాదని స్పష్టంచేశారు.