పీసీసీ ఉపాధ్యక్ష పదవికి మల్లు రాజీనామా

గాంధీభవన్‌, న్యూస్‌టుడే: కేటీఆర్‌ను ముఖ్యమంత్రిని చేయడానికే కేసీఆర్‌.. బీఆర్‌ఎస్‌ను ఏర్పాటు చేశారని పీసీసీ సీనియర్‌ ఉపాధ్యక్షుడు మల్లు రవి అన్నారు. ఏఐసీసీ అధ్యక్ష పదవికి పోటీ చేస్తున్న మల్లికార్జునఖర్గేకు మద్దతుగా ప్రచారం చేయడానికి తన పీసీసీ ఉపాధ్యక్ష పదవికి రాజీనామా చేస్తున్నట్లు రవి ప్రకటించారు. భాజపాకు భారాస బీ టీం అని పీసీసీ మాజీ అధ్యక్షుడు వి.హనుమంతరావు విమర్శించారు.

* మునుగోడులో తెరాస, భాజపాలు బోగస్‌ ఓటర్ల నమోదుకు ప్రయత్నిస్తున్నాయని పీసీసీ సీనియర్‌ ఉపాధ్యక్షుడు జి.నిరంజన్‌ ఆరోపించారు. దీనిపై పరిశీలన జరిపి చర్యలు తీసుకోవాలని కేంద్ర, రాష్ట్ర ఎన్నికల ప్రధాన అధికారులకు లేఖలు రాసినట్లు గురువారం తెలిపారు.