జోడో యాత్రలో ప్రియాంకా గాంధీ

బోర్‌గావ్‌: ఏఐసీసీ ప్రధాన కార్యదర్శి ప్రియాంకా గాంధీ తొలిసారిగా భారత్‌ జోడో యాత్రలో గురువారం తన సోదరుడు రాహుల్‌ వెంట నడిచారు. ఆమె భర్త రాబర్ట్‌ వాద్రా, కుమారుడు రేహాన్‌ కూడా ఈ యాత్రలో పాల్గొనడం విశేషం. ఖండవా జిల్లాలోని రుస్తుంపుర్‌ వద్ద రాహుల్‌ను కలిసిన అనితా మహాజన్‌ (63) అనే మహిళ.. రైతు రుణమాఫీ ప్రకటిస్తే మధ్యప్రదేశ్‌లో అధికారం మీదే అని సూచించారు. రాహుల్‌, ప్రియాంక నడుస్తుండగా.. కార్యకర్తలు పెద్దఎత్తున నినాదాలు చేశారు. పక్కనున్న గిరిజనుల చేతుల్లోని విల్లంబులు అందుకొని వారిద్దరూ ఎక్కుపెట్టారు. మధ్యప్రదేశ్‌ మాజీ ముఖ్యమంత్రి దిగ్విజయ్‌సింగ్‌ సైతం యాత్రలో ఉత్సాహంగా నడిచారు.