పథకాలన్నీ వాలంటీర్లు, నాయకులకేనా?

మంత్రి జయరాంను ప్రశ్నించిన గ్రామస్థులు

ఆలూరు గ్రామీణ, న్యూస్‌టుడే: ప్రభుత్వ పథకాలన్నీ వాలంటీర్ల కుటుంబాలకు అందాకే మిగిలిన వారికి ఇస్తున్నారని కర్నూలు జిల్లా ఆస్పరి మండలం తంగరడోణ గ్రామస్థులు కార్మిక శాఖ మంత్రి గుమ్మనూరు జయరాంకు ఫిర్యాదు చేశారు. గ్రామంలో సోమవారం గడప గడపకు మన ప్రభుత్వంలో కొందరు గ్రామస్థులు ప్రభుత్వ పథకాలు వాలంటీర్లు, నాయకుల కుటుంబాలకేనా? సామాన్యులకు ఇవ్వరా? అని మంత్రిని ప్రశ్నించారు. అలా ఏమీ లేదని, అర్హులందరికీ పథకాలు అందిస్తామని మంత్రి సమాధానమిచ్చారు. గ్రామానికి రహదారి, ఇంటింటికీ కుళాయిని ఏర్పాటు చేస్తామన్నారు.