బూర్జువా పోకడలను జనమే నిలువరిస్తారు: పవన్‌

ఈనాడు, అమరావతి: ‘ఎన్నికల్లో పోటీ కొన్ని కుటుంబాలకే పరిమితం, ఏకగ్రీవం చేసుకుంటామనే నియంతృత్వానికి ఊపిరిపోస్తున్న తరుణంలో  తాను ఎన్నికల్లో నిలబడతానంటూ సాధారణ గృహిణి పార్వతి ధైర్యాన్ని చూపడమే జనసేన సాధించిన గొప్ప విజయం. ఈ తెగువ చూపిన పార్వతి మాటలు ప్రతి ఒక్కరికీ ఉత్తేజాన్నిస్తాయి’ అని జనసేన అధినేత పవన్‌కల్యాణ్‌ సోమవారం ట్వీట్‌ చేశారు. చీపురుపల్లి జడ్పీటీసీ సభ్యురాలిగా జనసేన పక్షాన పోటీచేసిన పార్వతి నాదెండ్ల మనోహర్‌తో చెప్పిన మాటల వీడియోను ఆయన తన ట్వీట్‌కు జతచేశారు. పోటీచేయొద్దని తనను ఎందరో భయపెట్టారని, అయినా తాను పోటీచేసి వెయ్యి ఓట్లు తెచ్చుకున్నానని పార్వతి అందులో పేర్కొన్నారు. ‘బూర్జువా పోకడలతో ఆధిపత్యం చలాయిస్తే పార్వతి లాంటివాళ్లు కచ్చితంగా నిలువరిస్తారు’ అని పవన్‌కల్యాణ్‌ ఆ ట్వీట్‌లో పేర్కొన్నారు.