జగన్‌ సిగ్గుతో తలదించుకోవాలి

పీసీసీ కార్యనిర్వాహక అధ్యక్షుడు మస్తాన్‌ వలీ

ఈనాడు, దిల్లీ: మాజీ మంత్రి వై.ఎస్‌.వివేకానందరెడ్డి హత్య కేసు విచారణను సుప్రీంకోర్టు తెలంగాణకు బదిలీ చేసినందుకు సీఎం జగన్‌ సిగ్గుతో తలదించుకోవాలని పీసీసీ కార్యనిర్వాహక అధ్యక్షుడు మస్తాన్‌వలీ అన్నారు. దిల్లీ ఏపీభవన్‌లో మంగళవారం ఆయన విలేకరులతో మాట్లాడారు. ముఖ్యమంత్రి కుటుంబ సభ్యుడి హత్య కేసులోనే రాష్ట్రంలో న్యాయం జరగకపోతే ఎలాగని ఆయన ప్రశ్నించారు. ఈ కేసుపై సీబీఐతో కాకుండా సుప్రీంకోర్టు సిటింగ్‌ జడ్జితో విచారణ చేయించాలని డిమాండు చేశారు.