దిల్లీ మద్యం కేసుపై కేసీఆర్‌ పెదవి విప్పరేం?

ఆర్‌ఎస్‌ ప్రవీణ్‌కుమార్‌

ఖానాపురం హవేలి, న్యూస్‌టుడే: దేశవ్యాప్తంగా సంచలనం సృష్టిస్తున్న దిల్లీ మద్యం కేసుపై ముఖ్యమంత్రి కేసీఆర్‌ ఎందుకు పెదవి విప్పడం లేదని బహుజన సమాజ్‌ పార్టీ రాష్ట్ర అధ్యక్షుడు ఆర్‌.ఎస్‌. ప్రవీణ్‌కుమార్‌ ప్రశ్నించారు. ఆదివారం ఖమ్మంలోని పార్టీ కార్యాలయంలో ముఖ్య కార్యకర్తలతో సమీక్షా సమావేశం నిర్వహించారు. అనంతరం విలేకర్లతో మాట్లాడారు. ఎమ్మెల్యేల కొనుగోలు అంశంలో తమ శాసనసభ్యులను పులిబిడ్డలు అని ప్రకటించిన సీఎం, మద్యం కేసులో కుమార్తెను కాపాడటానికి తీవ్ర ప్రయత్నాలు చేస్తున్నారని ఆరోపించారు. భాజపాకు చెందిన బీఎల్‌ సంతోష్‌ రూ.వందల కోట్లతో ఎమ్మెల్యేలను కొనుగోలు చేయాలని చూస్తే ఎందుకు అరెస్టు చేయడం లేదని ప్రశ్నించారు.