BRS: ‘భారాస’ పేరుపై వరంగల్‌ జిల్లా వాసి అభ్యంతరం

చెన్నారావుపేట, న్యూస్‌టుడే: తెరాస పేరును భారత్‌ రాష్ట్ర సమితి(భారాస)గా మార్చడంపై వరంగల్‌ జిల్లా చెన్నారావుపేట మండలం తోపనగడ్డ తండాకు చెందిన బానోత్‌ ప్రేమ్‌నాయక్‌ అభ్యంతరం తెలిపారు. ‘‘నూతన పార్టీ రిజిస్ట్రేషన్‌ కోసం భారతీయ రాష్ట్ర సమితి(భారాస)తో పాటు మరో మూడు పేర్లతో సెప్టెంబరు 5న ఎన్నికల సంఘానికి దరఖాస్తు సమర్పించాను. నేను ఎంచుకున్న పార్టీ పేరుకు ‘భారత్‌ రాష్ట్ర సమితి’ దగ్గరగా ఉన్నందున తెరాసకు కేటాయించవద్దని ఈ నెల 6న ఎన్నికల సంఘాన్ని కోరాను’’ అని ఆయన తెలిపారు.