ఏపీని కావాలనుకుంటే తమిళనాడులో కలపండి..

భాజపా ఎంపీ ధర్మపురి అర్వింద్‌

ఈనాడు, దిల్లీ: మెట్రో కడతామని 2013లో హామీ ఇచ్చిన కేసీఆర్‌ ఎనిమిదిన్నర ఏళ్ల తర్వాత శంకుస్థాపన చేశారని భాజపా ఎంపీ ధర్మపురి అర్వింద్‌ విమర్శించారు. తెలంగాణపై సజ్జల రామకృష్ణారెడ్డి మాటలు సరికాదని, జగన్‌ తన సలహాదారును మార్చుకోవాలని సూచించారు. మద్రాస్‌ ప్రావిన్స్‌ నుంచి ఆంధ్ర రాష్ట్రం ఏర్పడినందున కావాలంటే ఏపీని తమిళనాడులో కలుపుకోవాలన్నారు. తెలంగాణ భవన్‌లో శుక్రవారం ఆయన విలేకరులతో మాట్లాడారు. మోదీ 24 దేశాలకు వ్యాక్సిన్‌ పంపితే కేసీఆర్‌ అవినీతి సొమ్ము విదేశాల్లో పెట్టుబడి పెడుతున్నారని ఆయన ఆరోపించారు.