Published : 27/11/2021 03:52 IST

మాతో టచ్‌లో తెరాస, కాంగ్రెస్‌ నేతలు

సీఎం కేసీఆర్‌కు దిల్లీలో షాక్‌ తగిలింది

రాష్ట్రంలో  కాంగ్రెస్‌ అధ్యాయం ముగిసింది

విలేకరులతో ఇష్టాగోష్ఠిలో భాజపా ఇన్‌ఛార్జి తరుణ్‌ఛుగ్‌

ఈనాడు, హైదరాబాద్‌: ధాన్యం కొనుగోలు చేయబోమని కేంద్ర ప్రభుత్వం చెప్పలేదని.. రాజకీయ ప్రయోజనాల కోసమే రాష్ట్ర ముఖ్యమంత్రి కేసీఆర్‌ ఇలా వ్యవహరిస్తున్నారని భాజపా రాష్ట్ర వ్యవహారాల ఇన్‌ఛార్జి, జాతీయ ప్రధాన కార్యదర్శి తరుణ్‌ఛుగ్‌ విమర్శించారు. రాష్ట్రంలో ఎప్పుడు ఎన్నికలు జరిగినా భాజపాదే విజయమని, తెరాసకు అభ్యర్థులు కూడా దొరకరని అన్నారు. రాష్ట్రంలో కాంగ్రెస్‌ పార్టీది ముగిసిన అధ్యాయంగా పేర్కొన్నారు. భాజపా రాష్ట్ర కార్యవర్గ సమావేశాలకు ఇక్కడకు వచ్చిన తరుణ్‌ఛుగ్‌ విలేకరులతో శుక్రవారం ఇష్టాగోష్ఠిగా మాట్లాడారు. ముఖ్యమంత్రి కేసీఆర్‌ దిల్లీ వెళ్లివచ్చిన విషయాన్ని విలేకరులు ప్రస్తావించగా.. ‘హడావిడి చేసి దిల్లీ పర్యటనకు వెళ్లారు. సీఎం అక్కడ ఏం చేశారు. దిల్లీలో కేసీఆర్‌కు షాక్‌ తగిలింది’ అని వ్యాఖ్యానించారు. భాజపాకు రాష్ట్రంలో 30 చోట్ల కూడా గట్టి అభ్యర్థులు లేరు కదా? అన్న ప్రశ్నకు బదులిస్తూ- తెరాస, కాంగ్రెస్‌ల నుంచి రెండు డజన్ల మంది బలమైన నేతలు భాజపాతో టచ్‌లో ఉన్నారని చెప్పారు. ‘ఎన్నికలు వస్తే మా సత్తా తెలుస్తుంది. 80 అసెంబ్లీ స్థానాల్లో గెలుస్తాం... ఇప్పటికిప్పుడు ఎన్నికలు వస్తే కేసీఆర్‌కు గట్టి అభ్యర్థులు 60 మంది కూడా దొరకరు’ అని అన్నారు. రాష్ట్రంలో కాంగ్రెస్‌ పుంజుకుంటోంది కదా? అన్న ప్రశ్నపై స్పందిస్తూ, ‘రేవంత్‌రెడ్డి పీసీసీ అధ్యక్షుడు అయ్యాక లిఫ్టు మాదిరి పైకి వెళ్లి కిందికి పడిపోయింది. కాంగ్రెస్‌ కోలుకోదు. ఆ పార్టీకి తెలంగాణలో భవిష్యత్‌ లేదు’ అని పేర్కొన్నారు.

కరీంనగర్‌లో తెరాస ఓడిపోతుంది: ఈటల

తెరాసకు ఏకపక్ష విజయాలు దక్కకుండా చేస్తేనే సీఎం కేసీఆర్‌కు కనీస భయం ఉంటుందని భాజపా ఎమ్మెల్యే ఈటల రాజేందర్‌ వ్యాఖ్యానించారు. ‘కరీంనగర్‌లో ఒక ఎమ్మెల్సీ స్థానంలో తెరాస ఓడిపోతుంది. స్వతంత్ర అభ్యర్థిగా నామినేషన్‌ వేసిన కరీంనగర్‌ మాజీ మేయర్‌ రవీందర్‌సింగ్‌ అక్కడ గెలుస్తారు. ఆదిలాబాద్‌ ఎమ్మెల్సీ ఎన్నికల్లో నేను ఒకరితో నామినేషన్‌ వేయించా. కరీంనగర్‌ జిల్లాలో తెరాస ఖాళీ అవుతుంది’ అని అన్నారు. పార్టీ కార్యవర్గ సమావేశానికి వచ్చిన ఈటల విలేకరులతో ఈ వ్యాఖ్యలు చేశారు.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని