Updated : 02/12/2021 04:55 IST

యూపీఏ కూటమా! అదెక్కడుంది?: మమత

ముంబయిలో శరద్‌ పవార్‌తో మమతా బెనర్జీ

ముంబయి: విపక్షాలను సంఘటితం చేయడంలో ప్రధాన ప్రతిపక్షంగా కాంగ్రెస్‌ వైఫల్యం చెందుతోందని ఇటీవల తరచూ విమర్శలు గుప్పిస్తున్న పశ్చిమబెంగాల్‌ ముఖ్యమంత్రి మమతా బెనర్జీ బుధవారం ముంబయిలో కీలక వ్యాఖ్యలు చేశారు. కాంగ్రెస్‌ నేతృత్వంలోని ఐక్యప్రగతిశీల కూటమి (యూపీఏ) అస్తిత్వాన్నే ఆమె ప్రశ్నించారు. ప్రాంతీయ పార్టీలన్నీ ఏకమైతేనే 2024 సాధారణ ఎన్నికల్లో భాజపాను సులభంగా ఓడించొచ్చని అన్నారు. ఎన్సీపీ, శివసేన నేతలను కలుసుకునేందుకు 3 రోజుల ముంబయి పర్యటనకు వచ్చిన మమత బుధవారం.. ఎన్సీపీ అధినేత శరద్‌పవార్‌ను కలిశారు. అనంతరం విలేకరులతో మాట్లాడుతూ ‘‘యూపీఏ అంటూ ఏమీ లేదు’’ అని వ్యాఖ్యానించారు. పవార్‌ కూడా ‘‘ప్రస్తుత తరుణంలో నాయకత్వం సమస్య కాదు. భాజపాకు వ్యతిరేకంగా కలిసి పనిచేయడం కీలకం’’ అని తెలిపారు. మరో ప్రశ్నకు మమత బదులిస్తూ.. ‘‘రాజకీయాల్లో నిరంతర ప్రయత్నం తప్పనిసరి. ఎక్కువ సమయం విదేశాల్లో ఉండకూడదు’’ అని రాహుల్‌ పేరు ప్రస్తావించకుండా వ్యాఖ్యానించారు. అంతకుముందు పలువురు సామాజిక కార్యకర్తలతో ఆమె సమావేశమయ్యారు.  


మేం లేకుండా భాజపాను ఓడించలేరు: కాంగ్రెస్‌

దేశంలో యూపీఏ లేదంటూ మమతా బెనర్జీ చేసిన వ్యాఖ్యలపై కాంగ్రెస్‌ మండిపడింది. తమ పార్టీ సహకారం లేకుండా భాజపాను ఓడించగలమని కలలు కనడాన్ని మానుకోవాలని ఆ పార్టీ ప్రధాన కార్యదర్శి    కె.సి.వేణుగోపాల్‌ హితవు పలికారు.  

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని