ఆ నియామకాలతో కాంగ్రెస్‌కు సంబంధం లేదు: మహేశ్‌కుమార్‌ గౌడ్‌

గాంధీభవన్‌, న్యూస్‌టుడే: ఆల్‌ ఇండియా పోలింగ్‌ బూత్‌ కాంగ్రెస్‌ పేరుతో తమ పార్టీని పోలిన విధంగా పార్టీ జెండా, లెటర్‌ హెడ్స్‌తో కొంత మంది తెలంగాణలో జరుపుతున్న నియామకాలకు.. కాంగ్రెస్‌కు ఎలాంటి సంబంధం లేదని పీసీసీ కార్యనిర్వాహక అధ్యక్షుడు మహేశ్‌కుమార్‌ గౌడ్‌ ఒక ప్రకటనలో స్పష్టం చేశారు. కొంత మంది పార్టీ నాయకులకు నియామక పత్రాలు ఇస్తూ మోసం చేస్తున్నారని, అలాంటి వారిని కాంగ్రెస్‌ ప్రతినిధులుగా భావించవద్దన్నారు.

* కొత్తగూడెం ఎమ్మెల్యే వనమా వెంకటేశ్వరరావు కుమారుడు రాఘవేంద్ర అక్రమాలపై ముగ్గురు ఐఏఎస్‌ అధికారులతో కమిటీ ఏర్పాటు చేయాలని కాంగ్రెస్‌ నేత వి.హనుమంతరావు డిమాండ్‌ చేశారు. ఈ మేరకు సోమవారం ఆయన ముఖ్యమంత్రి కేసీఆర్‌కు లేఖ రాశారు.