ఆప్‌ పంజాబ్‌ సీఎం అభ్యర్థిగా భగవంత్‌ మాన్‌

అరవింద్‌ కేజ్రీవాల్‌తో భగవంత్‌ మాన్‌

చండీగఢ్‌: పంజాబ్‌లో ఆమ్‌ఆద్మీ పార్టీ ముఖ్యమంత్రి అభ్యర్థిగా భగవంత్‌ మాన్‌ పేరు ఖరారైంది. ఈ విషయాన్ని ఆ పార్టీ జాతీయ కన్వీనర్‌ అరవింద్‌ కేజ్రీవాల్‌ మంగళవారం ప్రకటించారు. సీఎం అభ్యర్థిగా ఎవరు ఉండాలో చెప్పాలంటూ తాము నిర్వహించిన ఫోన్‌ సర్వేలో 21,59,437 మంది స్పందించారని, వీరిలో 93.3% మంది భగవంత్‌ మాన్‌ పేరు సూచించారని తెలిపారు. ప్రస్తుతం సంగ్రూర్‌ ఎంపీగా భగవంత్‌ మాన్‌ ఉన్నారు. తమ సర్వేలో 3.6% మంది రాష్ట్ర కాంగ్రెస్‌ అధ్యక్షుడు నవజ్యోత్‌ సింగ్‌ సిద్ధూ పేరును సూచించారని కూడా కేజ్రీవాల్‌ వెల్లడించారు. పంజాబ్‌లోని 117 స్థానాలకు ఫిబ్రవరి 20న ఎన్నికలు జరగనున్నాయి. మార్చి 10న ఫలితాలు వెలువడతాయి.