భాజపాలో చేరిన బిపిన్‌ రావత్‌ సోదరుడు విజయ్‌

దిల్లీ: విశ్రాంత సైన్యాధికారి విజయ్‌ రావత్‌ బుధవారం భాజపాలో చేరారు. ఇటీవల హెలికాప్టర్‌ ప్రమాదంలో కన్నుమూసిన త్రిదళాధిపతి బిపిన్‌ రావత్‌కు ఆయన సోదరుడు. యూపీ, ఉత్తరాఖండ్‌లలో బలాన్ని పెంచుకోవాలని భావిస్తున్న భాజపా.. ఆయనను సాదరంగా పార్టీలోకి ఆహ్వానించింది. ఉత్తరాఖండ్‌ సీఎం పుష్కర్‌ సింగ్‌ ధామీ సమక్షంలో విజయ్‌ పార్టీ కండువా కప్పుకొన్నారు. ప్రధాని నరేంద్ర మోదీ ఆలోచనా విధానం నచ్చి, కమలం పార్టీలో చేరుతున్నట్లు చెప్పారు. రావత్‌ కుటుంబానికి ఉత్తరాఖండ్‌లో ఉన్న పేరు కారణంగా ఆయన సోదరుడు తమకు విజయావకాశాలను మెరుగుపరుస్తారని కమలనాథులు అంచనా వేస్తున్నారు. సైన్యంలో కర్నల్‌గా పదవీ విరమణ చేసిన విజయ్‌ రావత్‌.. ప్రధాని నరేంద్ర మోదీ దార్శనికత నచ్చే పార్టీలో చేరుతున్నట్లు చెప్పారు.