గోవా ఎన్నికల్లో ‘శివసేన-ఎన్సీపీ’ పొత్తు..

గోవా అసెంబ్లీ ఎన్నికల్లో శివసేన, ఎన్సీపీ కలిసి పోటీ చేయాలని నిర్ణయించాయి. ఈ మేరకు కూటమి ఏర్పాటుపై అధికారికంగా ప్రకటన చేశాయి. మహారాష్ట్రలో అధికార మహావికాస్‌ అఘాడీలో భాగమైన ఇరుపార్టీలు.. కాంగ్రెస్‌ లేకుండానే కూటమిగా ముందుకు వెళ్లటం ప్రాధాన్యతను సంతరించుకుంది. పణజీలో ఏర్పాటు చేసిన విలేకరుల సమావేశంలో.. ఎన్సీపీ నేతలు ప్రఫుల్‌ పటేల్‌, జితేంద్ర అవ్హాద్‌, శివసేన ఎంపీ సంజయ్‌ రౌత్‌లు కూటమిపై ప్రకటన చేశారు  ‘‘మాతో జట్టుకట్టకపోవటం కాంగ్రెస్‌ దురదృష్టం. గోవా అసెంబ్లీ ఎన్నికల్లో శివసేన-ఎన్సీపీ కూటమి బలాన్ని చూపిస్తాం’’ అని రౌత్‌ వ్యాఖ్యానించారు.