జమ్మూకశ్మీర్‌లో అసెంబ్లీ సీట్ల పెంపు రాజ్యాంగ విరుద్ధం

రాష్ట్రపతికి మర్రి శశిధర్‌రెడ్డి లేఖ

ఈనాడు, దిల్లీ: రాజ్యాంగంలోని ఆర్టికల్‌ 170 కింద నియోజకవర్గాల పునర్విభజనపై 2026 వరకు ఆంక్షలు ఉన్నాయన్న పేరుతో తెలుగు రాష్ట్రాల్లో అసెంబ్లీ సీట్ల పెంపును పక్కనపెట్టిన కేంద్ర ప్రభుత్వం.. అందుకు విరుద్ధంగా జమ్మూకశ్మీర్‌లో ఆ ప్రక్రియను చేపట్టడం రాజ్యాంగ విరుద్ధమని కాంగ్రెస్‌ సీనియర్‌ నేత మర్రి శశిధర్‌రెడ్డి ఆరోపించారు. ఈ ప్రక్రియను సవాల్‌ చేస్తూ సుప్రీంకోర్టులో తాము కేసు దాఖలు చేశామని, దానిపై నిర్ణయం వెలువడేంతవరకూ ఆ రాష్ట్రంలో అసెంబ్లీ సీట్ల పెంపు ప్రక్రియను నిలిపివేయాలని రాష్ట్రపతి రామ్‌నాథ్‌ కోవింద్‌ను కోరారు. ఈ మేరకు బుధవారం ఆయన రాష్ట్రపతికి లేఖ రాశారు.