Election Counting: గుజరాత్‌, హిమాచల్‌లో ఓట్ల లెక్కింపు ప్రారంభం

దేశవ్యాప్తంగా ఆసక్తి రేకెత్తించిన గుజరాత్‌, హిమాచల్‌ అసెంబ్లీ ఎన్నికల ఓట్ల లెక్కింపు ప్రారంభమైంది. పటిష్ఠ భద్రత నడుమ ఉదయం 8 గంటలకు కౌంటింగ్‌ మొదలుపెట్టారు.

Updated : 08 Dec 2022 08:11 IST

ఇంటర్నెట్‌డెస్క్‌: దేశవ్యాప్తంగా ఆసక్తి రేకెత్తించిన గుజరాత్‌, హిమాచల్‌ ప్రదేశ్‌ అసెంబ్లీ ఎన్నికల ఓట్ల లెక్కింపు ప్రారంభమైంది. పటిష్ఠ భద్రత నడుమ ఉదయం 8 గంటలకు కౌంటింగ్‌ మొదలుపెట్టారు. తొలుత పోస్టల్‌ బ్యాలెట్‌ ఓట్లు, ఆ తర్వాత ఈవీఎంల ఓట్లు లెక్కించనున్నారు. గుజరాత్‌లో 182, హిమాచల్‌ ప్రదేశ్‌లో 68 అసెంబ్లీ స్థానాలకు ఇటీవల ఎన్నికలు జరిగాయి. ప్రభుత్వ ఏర్పాటుకు గుజరాత్‌లో 92, హిమాచల్‌లో 35 సీట్లు అవసరం. 

గుజరాత్‌లో 27 ఏళ్లుగా అధికారంలో ఉన్న భాజపా.. మరోసారి ప్రభుత్వాన్ని ఏర్పాటుచేసేందుకు తహతహలాడుతోంది. అక్కడ కమలనాథుల ఘన విజయం లాంఛనమేనని ఎగ్జిట్‌ పోల్స్‌ అంచనా వేశాయి. కాంగ్రెస్‌ రెండో స్థానంలో, ఆప్‌ తృతీయ స్థానంలో నిలుస్తుందన్న అంచనాలున్నాయి. మరోవైపు- హిమాచల్‌ ప్రదేశ్‌లో భాజపా, కాంగ్రెస్‌ మధ్య పోరు నువ్వానేనా అన్నట్లు ఉంది. ఎగ్జిట్‌ పోల్స్‌ అంచనాలు నిజమవుతాయా?లేదా? అనేదానిపై ఉత్కంఠ కొనసాగుతోంది. మరోవైపు గుజరాత్‌, హిమాచల్‌ ప్రదేశ్‌తో పాటు దేశంలోని ఐదు రాష్ట్రాల్లో ఆరు అసెంబ్లీ స్థానాలు, ఉత్తర్‌ప్రదేశ్‌లోని ప్రతిష్ఠాత్మక మైన్‌పురి లోక్‌సభ సీటుకు ఉప ఎన్నికలు జరిగాయి. ఆ ఫలితాలు కూడా నేడే వెలువడనున్నాయి.

Read latest Politics News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని