దివ్యాంగుడిని స్టేజిపై నుంచి లాగేసిన నేత..!

జమ్మికుంట: కరీంనగర్ జిల్లా జమ్మికుంట మండలం వావిలాలలో నిర్వహించిన తెరాస ధూం ధాం కార్యక్రమం వేదికపై.. తనకు పింఛన్ రావడం లేదంటూ మడుపు రాజేష్ అనే దివ్యాంగుడు ఆవేదన వ్యక్తం చేసాడు. ప్రభుత్వంపై విమర్శలు గుప్పించాడు. స్టేజీపైకి వచ్చిన అతడిని కిందికి లాగేసేందుకు ప్రయత్నించగా.. అతడు కింద పడిపోయాడు. అంతకుముందు ప్రజాప్రతినిధులను కలిసేందుకు ప్రయత్నించినా.. పోలీసులు అనుమతించకపోవడంతో కార్యక్రమం ముగిశాక చివరగా స్టేజి ఎక్కి తన ఆవేదన వెలిబుచ్చాడు. పింఛన్ రావడం లేదని చెబుతుండగా నేత ఒకరు అతడిని లాగేయడంతో రాజేష్ కిందపడిపోయాడు.