Arvind Kejriwal: త్వరలో ఆప్ మంత్రిని అరెస్టు చేస్తారు.. కానీ, మేం చన్నీలా ఏడ్వం
పంజాబ్ అసెంబ్లీ ఎన్నికల వేళ.. ఆప్ అధినేత అరవింద్ కేజ్రీవాల్ ఆదివారం కీలక వ్యాఖ్యలు చేశారు. ఎన్నికలు సమీపిస్తోన్న నేపథ్యంలో త్వరలో దిల్లీ ఆరోగ్యశాఖ మంత్రి సత్యేందర్ జైన్ను ఎన్ఫోర్స్మెంట్ డైరెక్టరేట్ (ఈడీ) అరెస్ట్ చేసే అవకాశం ఉందని చెప్పారు. ‘జైన్ను...
అరవింద్ కేజ్రీవాల్ కీలక వ్యాఖ్యలు
దిల్లీ: పంజాబ్ అసెంబ్లీ ఎన్నికల వేళ.. ఆప్ అధినేత అరవింద్ కేజ్రీవాల్ ఆదివారం కీలక వ్యాఖ్యలు చేశారు. ఎన్నికలు సమీపిస్తోన్న నేపథ్యంలో త్వరలో దిల్లీ ఆరోగ్యశాఖ మంత్రి సత్యేందర్ జైన్ను ఎన్ఫోర్స్మెంట్ డైరెక్టరేట్ (ఈడీ) అరెస్ట్ చేసే అవకాశం ఉందని చెప్పారు. ‘జైన్ను ఈడీ అరెస్టు చేయనున్నట్లు తెలిసింది. ఆయన ఆస్తులపై కేంద్ర ప్రభుత్వం గతంలోనూ రెండుసార్లు దాడులు చేయించినా.. ఏం దొరకలేదు. ఈడీ అధికారులు మళ్లీ రావాలనుకుంటే.. వారికి స్వాగతం’ అని అన్నారు. ఈ దాడులన్నీ రాజకీయ ప్రేరేపితమేనని ఆరోపించారు. ఎన్నికల్లో ఓటమి అంచున ఉన్నప్పుడల్లా భాజాపా.. ప్రభుత్వ ఏజెన్సీలను ప్రయోగిస్తుందని విమర్శించారు.
‘ఇప్పుడు కూడా దాడులు, అరెస్టులు ఉంటాయి. కానీ, మేం భయపడటం లేదు. ఈడీతోపాటు సీబీఐ, ఐటీ, దిల్లీ పోలీస్ తదితర విభాగాల అధికారులను పంపినా.. స్వాగతిస్తాం’ అని కేజ్రీవాల్ వ్యాఖ్యానించారు. ఇటీవల పంజాబ్ సీఎం చరణ్జిత్ సింగ్ చన్నీ మేనల్లుడిపై ఈడీ దాడులను ప్రస్తావిస్తూ.. ‘ఈ విషయంలో మేం చన్నీలాగా చేయం. ఆయన తప్పు చేసి దొరికిపోయారు కాబట్టే భయపడుతున్నారు. ఆ దాడుల్లో పట్టుబడిన నగదు చూసి.. పంజాబ్ ప్రజలే షాక్ అయ్యారు. కానీ, మాకు ఆ భయం లేదు. సత్యేందర్ జైన్ ఎందుకు? అధికారులను మా ఇంటికి, భగవంత్ మాన్ (ఆప్ పంజాబ్ సీఎం అభ్యర్థి) ఇంటికి పంపండి’ అని సవాల్ విసిరారు! అయితే, జైన్ను ఏ కేసు విషయంలో ఈడీ అరెస్టు చేసే అవకాశం ఉందో కేజ్రీవాల్ వెల్లడించలేదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా