Atmakur ByElection: ఆత్మకూరు ఉపఎన్నిక... గెలుపు ముంగిట వైకాపా అభ్యర్థి మేకపాటి విక్రమ్‌రెడ్డి

ఆత్మకూరు: నెల్లూరు జిల్లాలోని ఆత్మకూరు శాసనసభ ఉప ఎన్నిక ఓట్ల లెక్కింపు కొనసాగుతోంది. వైకాపా తరఫున ఉప ఎన్నిక బరిలో నిలిచిన దివంగత మంత్రి మేకపాటి గౌతంరెడ్డి సోదరుడు మేకపాటి విక్రమ్‌ రెడ్డి భారీ ఆధిక్యం దిశగా దూసుకెళ్తున్నారు. ఈ ఉప ఎన్నికలో మొత్తం 1,37,081 ఓట్లు పోలు కాగా.. ఇప్పటికే సగానికిపైగా ఓట్లు విక్రమ్‌ రెడ్డి సాధించడంతో ఆయన విజయం ఖాయమైంది. ఇక రౌండు రౌండుకూ ఆయన ఆధిక్యం పెరుగుతూ పోతోంది. 14 రౌండ్లు ముగిసి సరికే ఆయనకు 71 వేలకు పైచిలుకు ఓట్లు వచ్చాయి. 15 రౌండ్లు పూర్తయ్యే సరికి ఆయన తన సమీప ప్రత్యర్థి, భాజపా అభ్యర్థిపై 61 వేలకుపైగా ఆధిక్యంతో కొనసాగుతున్నారు. ఆత్మకూరు నియోజకవర్గంలో 2.13 లక్షల మంది ఓటర్లు ఉండగా, 1.37 లక్షల మంది ఉప ఎన్నిక పోలింగ్‌లో ఓట్లు వేశారు.