దొంగ ఓట్లు ఉన్నాయని భాజపా తప్పుడు ప్రచారం:ఒవైసీ

హైదరాబాద్‌: హైదరాబాద్‌లో దొంగ ఓట్లు ఉన్నాయని భాజపా తప్పుడు ప్రచారం చేస్తోందని ఎంఐఎం అధినేత అసదుద్దీన్‌ ఒవైసీ అన్నారు. దొంగ ఓట్లపై ఆ పార్టీ విచారణ జరిపించాలన్నారు. మజ్లిస్‌ పార్టీపై భాజపా నేతలు బురద జల్లే ప్రయత్నం చేస్తున్నారని పేర్కొన్నారు. జీహెచ్‌ఎంసీ ఎన్నికల ప్రచారంలో భాగంగా చాదర్‌ఘాట్‌ అజాంపురలో ఎంఐఎం బహిరంగసభ నిర్వహించింది. ఈ సభకు ఎంపీ అసదుద్దీన్‌ ఓవైసీ ముఖ్య అతిథిగా హాజరయ్యారు. జీహెచ్‌ఎంసీ ఎన్నికల్లో పోటీ చేసిన స్థానాలన్నింటిలో విజయం సాధిస్తామని ఆయన ధీమా వ్యక్తం చేశారు. ప్రజల సమస్యల పోరాటంలో మజ్లిస్‌ ముందుంటుందన్నారు.