సంతబొమ్మాళి ఘటనలో కుట్రకోణం: సీదిరి

అమరావతి: ప్రభుత్వ సంక్షేమ కార్యక్రమాలపై ప్రజల్లో మంచిపేరు రాకూడదనే పథకాలు ప్రారంభించే ముందు ఉద్దేశపూర్వకంగా విగ్రహాలను ధ్వంసం చేస్తున్నారని ఏపీ మంత్రి సీదిరి అప్పలరాజు ఆరోపించారు. తాడేపల్లిలోని వైకాపా కేంద్ర కార్యాలయంలో నిర్వహించిన మీడియా సమావేశంలో ఆయన మాట్లాడారు. శ్రీకాకుళం జిల్లా సంతబొమ్మాళిలో నంది విగ్రహం తొలగించిన ఘటనలో తెదేపా ప్రమేయం ఉందన్నారు. ఇంటివద్దకే నిత్యావసరాల కార్యక్రమాన్ని రేపు సీఎం జగన్‌ ప్రారంభిస్తు్న్నారని.. దీన్ని పక్కదారి పట్టించేందుకు విగ్రహాల ధ్వంసం కార్యక్రమానికి ప్రణాళిక వేశారని ఆక్షేపించారు. 

సంతబొమ్మాళి ఘటనలో సుస్పష్టంగా కుట్రకోణం ఉందని.. తెదేపా కనుసన్నల్లోనే విగ్రహాల ధ్వంసం కార్యక్రమం జరుగుతోందని అప్పలరాజు ఆరోపించారు. తెదేపా అధినేత చంద్రబాబు రాష్ట్రంలో మత విద్వేషాలను రెచ్చగొడుతూ నీచ రాజకీయాలు చేస్తున్నారని ధ్వజమెత్తారు. ఇలాంటి పనులు ఎవరు చేసినా వారిని ప్రజలు రాజకీయంగా సమాధి చేస్తారన్నారు. సంతబొమ్మాళి ఘటనపై ప్రజలకు చంద్రబాబు క్షమాపణ చెప్పాలని డిమాండ్‌ చేశారు.

ఇదీ చదవండి..

నల్లపురెడ్డి మాటలు వినిపించలేదా?: జేసీ

‘వాల్తేర్‌ క్లబ్‌ వివాదంలో సిట్‌ జోక్యం వద్దు’