Koppula Eshwar: మంత్రి కొప్పులకు సుప్రీంకోర్టులో ఎదురుదెబ్బ

హైదరాబాద్‌: తెలంగాణ మంత్రి కొప్పుల ఈశ్వర్‌కు సుప్రీంకోర్టులో ఎదురుదెబ్బ తగిలింది. సుప్రీంకోర్టు ఆయన పిటిషన్‌ను కొట్టివేసింది. 2018లో ధర్మపురి అసెంబ్లీ ఎన్నికల్లో అవకతవకలు జరిగాయని ఆరోపిస్తూ కాంగ్రెస్ అభ్యర్ధి అడ్లూరి లక్ష్మణ్ కుమార్ తెలంగాణ హైకోర్టును ఆశ్రయించారు. అయితే ఆ పిటిషన్‌ను కొట్టివేయాలని మంత్రి కొప్పుల మధ్యంతర పిటిషన్ దాఖలు చేశారు. దీంతో హైకోర్టు మంత్రి పిటిషన్‌ను కొట్టివేసింది. హైకోర్టు ఆర్డర్‌ను సవాల్ చేస్తూ  కొప్పుల ఈశ్వర్‌ సుప్రీంకోర్టును ఆశ్రయించారు. దీంతో ఇరువురి వాదనలు విన్న సుప్రీంకోర్టు మంత్రి కొప్పుల పిటిషన్‌ను డిస్మిస్ చేసింది.