Niranjan Reddy: పాలమూరు-రంగారెడ్డిపై విపక్షాలది దుష్ప్రచారం: నిరంజన్‌రెడ్డి

హైదరాబాద్‌: పాలమూరు-రంగారెడ్డి ఎత్తిపోతల పథకంపై విపక్షాలు దుష్ప్రచారం చేస్తున్నాయని మంత్రి నిరంజన్‌రెడ్డి విమర్శించారు. ప్రాజెక్టును అడ్డుకునేందుకు విపక్షాలు విశ్వప్రయత్నాలు చేశాయన్నారు. ప్రాజెక్టును జూరాల నుంచి మొదలుపెట్టాలని మొదట విపక్షాలు వాదించాయని, అటవీప్రాంతంలో ప్రాజెక్టు నిర్మిస్తున్నామని ఫిర్యాదు చేశాయని అన్నారు. ‘‘ విపక్షాలు రైతులను రెచ్చగొట్టే ప్రయత్నం చేశాయి. చివరికి గ్రీన్‌ ట్రైబ్యునల్‌లో సైతం ఫిర్యాదు చేశాయి. అన్ని విఘ్నాలు దాటుకొని ప్రాజెక్టు ప్రారంభించాం. ప్రాజెక్టు రీడిజైన్‌తో ముంపు ప్రాంతాల పరిధి తగ్గింది. తక్కువ ముంపుతో ఎక్కువ ప్రయోజనం కలిగేలా కేసీఆర్‌ దృష్టి పెట్టారు’’ అని నిరంజన్‌రెడ్డి తెలిపారు.