Updated : 01 May 2021 17:02 IST

ఈటల భూకబ్జాలే కనిపిస్తున్నాయా.. మరి వారివి

సీఎం కేసీఆర్‌ను ప్రశ్నించిన ఎమ్మెల్సీ జీవన్‌రెడ్డి

హైదరాబాద్‌: ఈటల రాజేందర్‌ భూకబ్జాలకు పాల్పడ్డారని వస్తున్న వార్తలు ఆశ్చర్యాన్ని కలిగిస్తున్నాయని ఎమ్మెల్సీ జీవన్‌రెడ్డి అన్నారు. సీఎల్పీ కార్యాలయంలో ఆయన మీడియాతో మాట్లాడారు. కేటీఆర్‌ను సీఎం చేయాలన్న కోరిక కేసీఆర్‌కు ఉందని.. అదే సమయంలో సీఎం పదవికి ఈటల అర్హుడనే అంశం తెరమీదకు రావడంతో కేసీఆర్‌కు మింగుడు పడటం లేదన్నారు. ఈటల రాజేందర్ సామాజిక స్ఫూర్తి కలిగిన వ్యక్తి అని.. కుట్ర పూరితంగానే ఆయనపై కక్ష సాధింపునకు పాల్పడుతున్నారని ఆరోపించారు. ఈటల స్వయం కృషితో ఎదిగిన వ్యక్తి అని.. పౌల్ట్రీలో రంగంలో కష్టపడి ఈ స్థాయికి చేరుకున్నారన్నారు. సీఎం కేసీఆర్ ఆస్తులు, ఈటల ఆస్తులపై వెంటనే శ్వేతపత్రం విడుదల చేయాలని డిమాండ్ చేశారు. అప్పుడే ఎవరి ఆస్తులు ఎలా.. ఎంత పెరిగాయో ప్రజలకు తెలుస్తుందన్నారు.

‘‘మంత్రి కేటీఆర్ 111 జీవో ఉల్లంఘించి ఫామ్ హౌస్ నిర్మాణం చేపడితే విచారణ ఎందుకు చేపట్టలేదు? నీ కుమారుడని కేటీఆర్‌పై ఆరోపణలు పట్టించుకోరా? మంత్రి మల్లారెడ్డిపై వచ్చిన ఆరోపణలు, ఎమ్మెల్యే ముత్తిరెడ్డి భూ కబ్జాలపై ఎందుకు విచారణ జరిపించలేదు? కేవలం ఈటల రాజేందర్ భూకబ్జాలు మాత్రమే కనిపిస్తున్నాయా. ఓర్వలేని తనంతోనే ఈటలను బలిచేయాలని చూస్తున్నారు. అనేక సందర్భాల్లో ప్రజల పక్షాన గొంతుక వినిపించిన వ్యక్తి ఈటల రాజేందర్‌. ఆయన ఉద్యమ ఫలితంగానే కేసీఆర్ సీఎం అయ్యారు. విచారణ అధికారులు ప్రభుత్వానికి నివేదిక ఇవ్వకుండా మీడియాకు చెప్పడం సరికాదు. కేసీఆర్ ఫామ్ హౌస్‌పై కూడా రకరకాల ఆరోపణలు వచ్చాయి. వాటిపై ఎందుకని విచారణ జరగలేదు?ధరణి వెబ్ సైట్‌లో కేసీఆర్ ఫామ్ హౌస్ భూములు ఎందుకు కనిపించడం లేదు? కేసీఆర్ కుటుంబ సభ్యుల ఆస్తులపైనా విచారణ జరిపించాలి’’ అని జీవన్‌ రెడ్డి తెలిపారు.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని