MLC Kavitha: దిల్లీ మద్యం కేసులో ఈడీ నోటీసులు.. మధ్యాహ్నం కవిత ప్రెస్ మీట్

దిల్లీ: భారాస ఎమ్మెల్సీ కల్వకుంట్ల కవిత(MLC Kavitha) గురువారం మధ్యాహ్నం ఒంటిగంటకు దిల్లీలో మీడియా సమావేశం నిర్వహించనున్నారు. దిల్లీ మద్యం కేసు(Delhi liquor case)లో ఈడీ నోటీసులు, విచారణపై ఆమె స్పందించే అవకాశముంది. ఈ కేసులో నేడు విచారణకు రావాలని ఎన్‌ఫోర్స్‌మెంట్‌ డైరెక్టరేట్ (ఈడీ) కవితకు బుధవారం నోటీసులు ఇచ్చిన విషయం తెలిసిందే. 9, 10 తేదీల్లో ముందస్తు కార్యక్రమాల దృష్ట్యా విచారణకు రాలేనని.. 11న హాజరవుతానని బుధవారం రాత్రి ఆమె ఓ ప్రకటన విడుదల చేశారు.

మరోవైపు 10న దిల్లీలోని జంతర్‌మంతర్‌ వద్ద భారత్‌ జాగృతి ఆధ్వర్యంలో నిర్వహించే నిరసన కార్యక్రమంలో కవిత పాల్గొననున్నారు. మహిళా రిజర్వేషన్ల బిల్లు తీసుకు రావాలనే డిమాండ్‌తో ఆందోళన చేపట్టనున్నారు. ఈ నేపథ్యంలో దిల్లీ మద్యం కేసులో ఈడీ నోటీసులు, భారత్‌ జాగృతి నిరసన కార్యక్రమాలపై కవిత స్పందించనున్నారు.