Updated : 28 Jun 2021 11:20 IST

Raghurama: రెండేళ్లుగా అక్రిడిటేషన్ల జారీ లేదు: రఘురామ

దిల్లీ: ఆంధ్రప్రదేశ్‌లో జర్నలిస్టులకు రెండేళ్లుగా అక్రిడిటేషన్‌ కార్డులు జారీ చేయడం లేదని నర్సాపురం ఎంపీ రఘురామ కృష్ణరాజు అన్నారు. ‘నవ ప్రభుత్వ కర్తవ్యాల’ పేరుతో సీఎం జగన్‌కు లేఖలు రాస్తున్న ఎంపీ.. ఏపీలో జర్నలిస్టుల సమస్యలపై ఇవాళ తొమ్మిదో లేఖ రాశారు. ‘‘మన మాటలను ప్రపంచానికి చెప్పే వారి మాటలను చెప్పడానికే’’ లేఖ రాస్తున్నట్లు పేర్కొన్నారు. అక్రిడిటేషన్‌ కమిటీలో ఒక్క జర్నలిస్టు లేరని.. ఒక్క సమావేశం జరుపుకోకుండానే కమిటీని రద్దు చేశారని తెలిపారు. కమిటీ రద్దు కూడా పలు నాటకీయ పరిణామాల మధ్య జరిగిందన్నారు. ఒక నిర్ణయం తీవ్ర వివాదానికి కేంద్ర బిందువుగా మారిందని చెప్పారు. కొత్త నిబంధనలతో చాలా మంది అక్రిడిటేషన్‌ కార్డులు పొందలేకపోయారని వివరించారు.
‘‘అక్రిడిటేషన్‌ కోసం చేసుకున్న సుమారు 40వేల దరఖాస్తులు సమాచార శాఖ వద్ద ఉన్నాయి. 17 వేల దరఖాస్తులు పరిశీలించి 470 కార్డులు జారీ చేశారు. గత ప్రభుత్వంలో జర్నలిస్టుల ఆరోగ్య భద్రతకు స్కీమ్‌ ఉండేది. జర్నలిస్టులు రూ.1200 చెల్లిస్తే పటిష్ఠ ఆరోగ్య బీమా కల్పించేది. కరోనాతో మరణించిన జర్నలిస్టులకు చెల్లింపులు జరగలేదు. ఆరోగ్యశ్రీ కింద జర్నలిస్టులకు ఇప్పటి వరకు సాయం చేయలేదు. జర్నలిస్టులకు రూ.50 లక్షల జీవిత బీమా సౌకర్యం కల్పించాలి. జర్నలిస్టులను, మీడియా సిబ్బందిని ఫ్రంట్‌లైన్‌ వారియర్స్‌లో చేర్చాలి. అక్రిడిటేషన్‌, ఆరోగ్యశ్రీ ఆరోగ్య కార్డుపై తక్షణమే నిర్ణయాలు తీసుకోవాలి’’ అని రఘురామ లేఖలో పేర్కొన్నారు.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని