Andhra News: మీ ఆర్భాటాల కోసం శిశువుల్ని చంపడం శిశు సంక్షేమమా?: లోకేశ్‌

అమరావతి: అనంతపురం జిల్లాలో పోలీసుల వైఖరి వల్లే చిన్నారి ప్రాణాలు కోల్పోయిందని తెదేపా జాతీయ ప్రధాన కార్యదర్శి నారా లోకేశ్‌ అన్నారు. ‘‘మహిళా, శిశు సంక్షేమ శాఖ మంత్రి ఉషశ్రీ పర్యటనలో పోలీసులు అతిగా ప్రవర్తించారు. ఇది ముమ్మాటికీ మంత్రి, పోలీసులు చేసిన హత్యే. చిన్నారిని ఆస్పత్రికి తరలిస్తున్నా పోలీసులు వదల్లేదు. మీ ఆర్భాటాల కోసం శిశువులను చంపడం శిశు సంక్షేమమా?’’ అని లోకేశ్ ప్రశ్నించారు.

నిన్న రాత్రి అనంతపురం జిల్లా కళ్యాణదుర్గంలో ప్రాణాపాయ స్థితిలో ఉన్న పాపను తల్లిదండ్రులు ఆసుపత్రికి తీసుకెళ్తుండగా.. మంత్రి ఉషశ్రీచరణ్‌ ర్యాలీగా వస్తున్న కారణంగా పోలీసులు వారిని అడ్డుకున్నారు. దీంతో సకాలంలో చికిత్స అందక తమ కూతురు ప్రాణాలు కోల్పోయిందని తల్లిదండ్రులు ఆరోపించిన విషయం తెలిసిందే.