Nara Lokesh: శ్రీవరదరాజస్వామి ఆలయంలో లోకేశ్‌ ప్రత్యేకపూజలు

కుప్పం పట్టణం: తెదేపా జాతీయ ప్రధాన కార్యదర్శి నారా లోకేశ్‌ (Nara Lokesh) ‘యువగళం’ (Yuvagalam)పాదయాత్ర కాసేపట్లో ప్రారంభం కానుంది. ఈ నేపథ్యంలో కుప్పం సమీపంలోని లక్ష్మీపురంలో ఉన్న శ్రీవరదరాజస్వామి ఆలయంలో ఆయన ప్రత్యేక పూజలు నిర్వహించారు. తొలుత ఆలయం వద్దకు చేరుకున్న యువనేతకు అర్చకులు పూర్ణకుంభంతో స్వాగతం పలికారు. లోకేశ్‌ రాకతో ఆలయం వద్ద సందడి వాతావరణం నెలకొంది. రాష్ట్రం నలుమూలల నుంచి తెదేపా ఎమ్మెల్యేలు, ముఖ్యనేతలు, కార్యకర్తలు ఇప్పటికే కుప్పం చేరుకున్నారు. 

అనేక దఫాలు చంద్రబాబు కుప్పం పర్యటనలు, నామినేషన్లు, ర్యాలీలకు సంబంధించి వరదరాజస్వామి సన్నిధిలో పూజల తర్వాతే కార్యక్రమాలను ప్రారంభించడాన్ని ఆనవాయితీగా చేపట్టారు. గతంలో పలుమార్లు కుప్పంలో పర్యటించిన లోకేశ్‌... ఎన్నికల ప్రచారాలు, గ్రామ పర్యటనలనూ లక్ష్మీపురంలో పూజలతోనే ప్రారంభించారు. ఆ సెంటిమెంటుతో అదే ఆలయం నుంచి ‘యువగళం’ పాదయాత్రకుకు ఆయన శ్రీకారం చుట్టనున్నారు.