Updated : 08 Jul 2021 10:49 IST

Mamata Banerjee: మన్‌కీ బాత్‌ వద్దు.. పెట్రోల్‌పై మాట్లాడండి..!

కోల్‌కతా: దేశంలోని చాలా ప్రాంతాల్లో పెట్రోల్‌ ధర రూ.100 మార్కును దాటిన నేపథ్యంలో ప్రధాని నరేంద్ర మోదీపై పశ్చిమ బెంగాల్‌ ముఖ్యమంత్రి మమతా బెనర్జీ విరుచుకుపడ్డారు. బుధవారం నిర్వహించిన విలేకరుల సమావేశంలో ఆమె మాట్లాడారు. మన్‌కీ బాత్‌ స్థానంలో ప్రధాని పెట్రోల్, వ్యాక్సిన్‌కీ బాత్‌ నిర్వహించాలంటూ విమర్శించారు. పెట్రోల్, డీజిల్ అమ్మకాలపై విధించిన పన్నుల రూపంలో రూ.3.71 లక్షల కోట్లను ప్రజల నుంచి దోచుకుందంటూ కేంద్రంపై ఆరోపణలు గుప్పించారు. ఆ డబ్బును ఏం చేశారంటూ మోదీని ప్రశ్నించారు. కేంద్ర కేబినెట్‌పై కాకుండా ప్రజల ఆరోగ్యం, దేశ ఆర్థిక వ్యవస్థపై ప్రధాని దృష్టి పెట్టాలని ప్రభుత్వాన్ని డిమాండ్‌ చేశారు. ‘‘గ్యాస్‌ ధర 14 నెలల్లో 47 శాతం పెరిగింది. ఉజ్వల పథకం ఏమయ్యింది? మేము సంక్షేమ పథకాలు అమలు చేస్తున్నప్పుడు మీరెందుకు చేయడంలేదు?’’ అంటూ ప్రశ్నించారు. ధరల పెంపు ద్వారా సమీకరించిన నిధులను కొవిడ్‌ వ్యాక్సినేషన్‌ ప్రక్రియను వేగవంతం చేసేందుకు వినియోగించాలని కోరారు. పశ్చిమ బెంగాల్‌ గవర్నర్‌గా జగదీప్ ధన్‌కడ్‌ను కొనసాగించడంపైనా ప్రభుత్వాన్ని ఆమె విమర్శించారు.

దిల్లీ, కోల్‌కతా నగరాల్లో లీటరు పెట్రోలు ధర బుధవారం రూ.100 మార్కును దాటింది. లీటరు డీజిల్‌ రూ.89.53కు చేరింది. ముంబయి, చెన్నై, హైదరాబాద్‌, బెంగళూరు నగరాల్లో పెట్రోలు ధర ఇప్పటికే రూ.100 దాటింది.


Read latest Politics News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని