KTR: తెలంగాణలో మరో కంపెనీ భారీ పెట్టుబడి

దావోస్‌: తెలంగాణలో మరో కంపెనీ భారీ పెట్టుబడి పెట్టేందుకు ముందుకొచ్చింది. రాష్ట్రంలో రూ.500 కోట్లు పెట్టుబడి పెట్టనున్నట్లు అలీయాక్సిస్‌ కంపెనీ ప్రకటించింది. దావోస్‌లో కేటీఆర్‌తో భేటీ అనంతరం తెలంగాణలో గ్రీన్‌ ఫీల్డ్‌ ఫెసిలిటీ సెంటర్‌ను ఏర్పాటు చేయనున్నట్లు అలీఆక్సిస్‌ కంపెనీ ప్రతినిధులు ప్రకటించారు. ఆశీర్వాద్‌ పైప్స్‌కు చెందిన అలీఆక్సిస్‌ కంపెనీ ప్లాస్టిక్‌ పైపులు, యాక్సెసరీస్‌ తయారీ యూనిట్‌ను ఏర్పాటు చేయనున్నట్లు తెలిపింది.