Pawan Kalyan: మార్పు కోసం అప్పుడే యుద్ధం చేస్తా: పవన్‌ కల్యాణ్‌

ఇంటర్నెట్‌ డెస్క్‌: తనకు బాగా నచ్చిన కొటేషన్లలను ట్విటర్‌ వేదికగా పంచుకుంటుంటారు ప్రముఖ నటుడు, జనసేన అధినేత పవన్‌ కల్యాణ్. ఇప్పటికే ఎన్నో స్ఫూర్తి రగిలించే విషయాలను షేర్‌ చేసిన ఆయన తాజాగా మరో పోస్ట్‌ పెట్టారు. ‘‘ఓ మార్పు కోసం యుద్ధం చేయాల్సివస్తే తొంభైతొమ్మిది సార్లు శాంతియుతంగానే ప్రయత్నిస్తా, వందోసారే యుద్ధం చేస్తా’’ అంటూ పవన్‌ కల్యాణ్ ట్వీట్‌ చేసిన ఫొటో నెట్టింట వైరల్‌గా మారింది. ఈ ఫొటోలో పవన్‌ ఓ పుస్తకంలో ఏదో రాస్తున్నట్టు కనిపించారు. ఈ సింబాలిక్ ఇమేజ్‌ను బట్టి ఈ మాటను తానే స్వయంగా రాసినట్టు స్పష్టమవుతోంది.

సినిమా విషయానికొస్తే.. పోలీసు అధికారిగా ఆయన నటించిన ‘భీమ్లా నాయక్‌’ ఇటీవల విడుదలై బాక్సాఫీసు వద్ద హిట్‌గా నిలిచింది. సామాన్యుల నుంచి సెలబ్రిటీల వరకూ ఆయన పవర్‌ఫుల్‌ నటనకు ఫిదా అవుతున్నారు. సాగర్‌ కె. చంద్ర దర్శకత్వం వహించిన ఈ సినిమాలో రానా కీలక పాత్ర పోషించారు. నిత్య మేనన్‌, సంయుక్త మేనన్‌ కథానాయికలు. పవన్‌ ప్రస్తుతం ‘హరిహర వీరమల్లు’, ‘భవదీయుడు భగత్‌సింగ్‌’ తదితర చిత్రాలతో బిజీగా ఉన్నారు.