పరువునష్టం.. సూరత్‌ కోర్టుకు రాహుల్‌!

పరువునష్టం కేసుకు సంబంధించి కాంగ్రెస్‌ అగ్రనేత రాహుల్‌ గాంధీ గురువారం గుజరాత్‌లోని సూరత్‌ న్యాయస్థానం ఎదుట హాజరుకానున్నారు.

Updated : 24 Jun 2021 14:02 IST

సూరత్‌: పరువునష్టం కేసుకు సంబంధించి కాంగ్రెస్‌ అగ్రనేత రాహుల్‌ గాంధీ గురువారం గుజరాత్‌లోని సూరత్‌ న్యాయస్థానం ఎదుట హాజరుకానున్నారు. ఈ మేరకు కాంగ్రెస్‌ గుజరాత్‌ అధ్యక్షుడు అమిత్‌ చావ్డా వివరాలు వెల్లడించారు. కేవలం కోర్టుకు హాజరయ్యేందుకే రాహుల్ సూరత్ వస్తున్నారని స్పష్టం చేశారు. ఎలాంటి రాజకీయ కార్యకలాపాల్లోనూ ఆయన పాల్గొనబోరని తెలిపారు. కర్ణాటక ఎన్నికల ప్రచారంలో భాగంగా 2019, ఏప్రిల్‌ 13న కోలార్‌లో నిర్వహించిన ర్యాలీలో రాహుల్‌ పాల్గొన్నారు. ఆ సమయంలో ‘మోదీ’ ఇంటి పేరును ప్రస్తావిస్తూ పలు వ్యాఖ్యలు చేశారు. ఆయన వ్యాఖ్యలపై భాజపా నేత, సూరత్‌ ఎమ్మెల్యే పూర్ణేశ్‌ మోదీ అభ్యంతరం వ్యక్తం చేశారు. రాహుల్‌ తన మాటలతో మోదీ ఇంటి పేరున్న వారందరి ప్రతిష్ఠకు భంగం కలిగించారంటూ కోర్టులో పరువునష్టం దావా వేశారు. ఇదే కేసు విచారణ నిమిత్తం 2019, అక్టోబరులోనూ రాహుల్‌ కోర్టు ఎదుట హాజరయ్యారు. తన వ్యాఖ్యల్లో తప్పేమీ లేదని ఆ సమయంలో ఆయన కోర్టుకు నివేదించారు. 

 


Read latest Politics News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని