నిర్మించడం తెలియదు అమ్మడమే : రాహుల్‌

దిల్లీ: భాజపా నేతృత్వంలోని కేంద్ర సర్కారుపై కాంగ్రెస్‌ అగ్రనేత మరోసారి విమర్శలు గుప్పించారు. ఇప్పటికే ప్రైవేటు భాగస్వామ్యంతో నడుస్తున్న దిల్లీ, ముంబయి, బెంగళూరు, హైదరాబాద్‌ అంతర్జాతీయ విమానాశ్రయాలను పూర్తి విక్రయానికి కేంద్రం నిర్ణయించిందని వచ్చిన వార్తలపై రాహుల్ సోమవారం ఘాటుగా స్పందించారు. నరేంద్ర మోదీ నేతృత్వంలోని భాజపాకు ఎలా నిర్మించాలో తెలియదు గానీ, ఎలా అమ్మాలో మాత్రం పూర్తి అవగాహన ఉందంటూ ట్విటర్‌‌ వేదికగా ఎద్దేవా చేశారు. ప్రైవేటీకరణతో ప్రజలు నష్టపోతారని ఆవేదన వ్యక్తంచేశారు. మోదీ ఆప్తమిత్రులు మాత్రమే లబ్ధి పొందుతారని విమర్శించారు. #IndiaAgainstPrivatisation అనే హ్యష్‌ట్యాగ్‌ జోడించారు.