Published : 27 Feb 2021 18:40 IST

అసోంలో ఆర్జేడీ పోటీ

గువాహటి: త్వరలో జరగబోయే అసోం అసెంబ్లీ ఎన్నికల్లో ఇతర పార్టీలతో కలిసి ఆర్జేడీ పోటీ చేయబోతోందని ఆ పార్టీ నేత తేజస్వి యాదవ్‌ వెల్లడించారు. ఇందుకోసం ఒకే ఆలోచనా ధోరణి కలిగిన పార్టీలతో జట్టు కట్టనున్నట్లు తెలిపారు. శనివారం గువాహటిలో పర్యటించిన ఆయన ఇక్కడ మీడియాతో మాట్లాడారు. ఈ విషయంలో ఇప్పటికే కాంగ్రెస్‌తో చర్చించామని, ఏఐయూడీఎఫ్‌తో కూడా చర్చించనున్నామని చెప్పారు.

కాంగ్రెస్‌, ఏఐయూడీఎఫ్‌తో పాటు చిన్న చిన్న పార్టీలతో కూడా టచ్‌లో ఉన్నామని తేజస్వి అన్నారు. బిహార్‌, పశ్చిమ బెంగాల్‌, ఝార్ఖండ్‌, ఒడిశా, ఛత్తీస్‌గఢ్‌కు చెందిన సుమారు ఐదు శాతం హిందీ మాట్లాడే ప్రజలు సుమారు 11 స్థానాల్లో కీలకం కానున్నారని తెలిపారు. కానీ, గెలిచేందుకు అవకాశం ఉన్న చోటే తాము పోటీచేస్తామని చెప్పారు. అలాగే, ఎన్నికలు జరగబోయే పశ్చిమ బెంగాల్‌, కేరళ, పుదుచ్చేరిలో సైతం పర్యటించి భాజపా, దాని మిత్రపక్షాలకు వ్యతిరేకంగా ప్రచారంలో పాల్గొంటామని చెప్పారు.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని