Samajwadi Party : సమాజ్‌వాది పార్టీ పునర్‌వ్యవస్థీకరణ

ఇంటర్నెట్‌డెస్క్‌: ఇటీవల లోక్‌సభ ఉప ఎన్నికల ఫలితాలను దృష్టిలో పెట్టుకొని సమాజ్‌వాదీ పార్టీ పునర్‌వ్యవస్థీకరణ చేపట్టింది. పార్టీకి పెట్టని కోటలు వంటి రామ్‌పూర్‌, ఆజమ్‌ఘడ్‌లలో కూడా ఓటిమి పాలైన విషయం తెలిసిందే. ఎస్పీ ఉత్తరప్రదేశ్‌ శాఖ అధ్యక్షుడు నరేష్‌ ఉత్తమ్‌ మినహాయించి మిగిలిన పదవులన్నిటినీ రద్దుచేస్తున్నట్లు పార్టీచీఫ్‌ అఖిలేష్‌ యాదవ్‌ ఆదివారం ప్రకటించారు. దీంతో పార్టీ జిల్లా విభాగాలు, అనుబంధ సంస్థల ఎగ్జిక్యూటీవ్‌ బాడీలు మొత్తం రద్దయ్యాయి. వీటిల్లో యువ, మహిళా విభాగాలు కూడా ఉన్నాయి. ఈ విషయాన్ని పార్టీ ట్విటర్‌ హ్యాండిల్‌లో వెల్లడించారు. ‘‘పార్టీ 2024 లోక్‌సభ ఎన్నికలకు సిద్ధమవుతోంది. ఈ క్రమంలో పార్టీ వ్యవస్థీకృతంగా బలపడి భాజపాను పూర్తి శక్తిసామర్థ్యాలతో ఢీకొనడంపై దృష్టిపెట్టింది’’ అని సీనియర్‌ నాయకుడు ఒకరు తెలియజేశారు. 

సమాజ్‌వాదీ పార్టీ (ఎస్పీ) కంచుకోటలుగా పేరున్న రాంపుర్‌, ఆజంగఢ్‌ పార్లమెంటు సీట్లను ఇటీవల జరిగిన ఉపఎన్నికల్లో తన ఖాతాలో వేసుకొంది. రాంపుర్‌ లోక్‌సభ స్థానంలో అధికార భాజపా అభ్యర్థి ఘనశ్యామ్‌ లోధీ.. ఎస్పీకి చెందిన మొహమ్మద్‌ ఆసిమ్‌ రజాపై విజయం సాధించారు. సమాజ్‌వాదీ పార్టీ అధ్యక్షుడు అఖిలేశ్‌ యాదవ్‌ ఖాళీ చేసిన ఆజంగఢ్‌ స్థానంలోనూ కమలదళాన్నే విజయం వరించింది. అక్కడ ధర్మేంద్ర యాదవ్‌ (ఎస్పీ)పై దినేశ్‌లాల్‌ యాదవ్‌ నిరాహువా (భాజపా) గెలుపొందారు. యూపీలో మొత్తం 80 లోక్‌సభ స్థానాలుండగా.. తాజా ఫలితాలతో అందులో భాజపా వాటా 64కు పెరిగింది.