Published : 01 Apr 2021 14:58 IST

సువేందు అధికారి కాన్వాయ్‌పై రాళ్లదాడి

సురక్షితంగా బయటపడిన భాజపా నేత

కోల్‌కతా: పశ్చిమ్‌ బెంగాల్‌లోని సొంత నియోజకవర్గం నందిగ్రామ్‌లో పోలింగ్ జరుగుతోన్న వేళ.. భాజపా నేత సువేందు అధికారి కాన్వాయ్‌పై గురువారం రాళ్లదాడి జరిగింది. అయితే, ఆ దాడి నుంచి సువేందు సురక్షితంగా బయటపడ్డారు. ప్రాథమికంగా అందిన సమాచారం మేరకు.. నందిగ్రామ్‌లోని సాతేన్‌గాబరీ ప్రాంతంలో ఈ దాడి జరిగినట్లు తెలుస్తోంది. రాళ్ల దాడిలో సువేందు కారు వెనక వస్తోన్న మీడియా వాహనం మాత్రం స్వల్పంగా ధ్వంసమైందని వెల్లడవుతోంది. 

అలాగే, పశ్చిమ మిడ్నాపూర్‌లోని కేశ్‌పూర్‌ భాజపా అభ్యర్థి ప్రీతి రంజన్‌ కాన్వాయ్‌పై కూడా దాడి జరిగినట్లు సమాచారం. ప్రస్తుతం రెండో దశలో భాగంగా బెంగాల్‌లోని 30 అసెంబ్లీ నియోజకవర్గాల్లో పోలింగ్‌ జరుగుతోంది. సువేందు, తృణమూల్ అధినేత్రి మమతా బెనర్జీ బరిలో ఉన్న నందిగ్రామ్ కూడా ఆ స్థానాల్లో ఒకటి. ఇదిలా ఉండగా మధ్యాహ్నం ఒంటి గంట సమయానికి 58 శాతం పోలింగ్‌ నమోదైంది. ఎలాంటి అవాంఛనీయ ఘటనలు జరకుండా సిబ్బంది కట్టుదిట్టమైన భద్రతా ఏర్పాట్లు చేశారు. 

భాజపా కార్యకర్త మృతి:
నందిగ్రామ్‌లో ఓ భాజపా కార్యకర్త గురువారం ఉదయం తన ఇంట్లో ఉరి వేసుకొని మరణించినట్లు పోలీసులు గుర్తించారు. దాంతో ఆ ప్రాంతంలో తీవ్ర ఉద్రిక్త వాతావరణం నెలకొంది. మృతుడి పేరు ఉదయ్‌ దుబేగా పోలీసులు చెప్తున్నారు. 

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని