Buddha venkanna: తెదేపా నేత బుద్దా వెంకన్న అరెస్టు

విజయవాడ: తెదేపా నేత బుద్దా వెంకన్న(buddha venkanna)ను పోలీసులు అరెస్టు చేశారు. ఇవాళ ఉదయం మీడియా సమావేశంలో ఏపీ మంత్రి కొడాలి నాని, డీజీపీ సవాంగ్‌పై తీవ్ర వ్యాఖ్యలు చేసిన నేపథ్యంలో ఆయన్ను ప్రశ్నించేందుకు పోలీసులు అదుపులోకి తీసుకున్నారు. 3 గంటలుగా వాదోపవాదాలు జరిగిన తర్వాత వెంకన్నను పోలీసులు అరెస్టు చేసి విజయవాడ వన్‌టౌన్‌ పోలీస్‌స్టేషన్‌కు తరలించారు. తాను మాట్లాడిన మాటలు వాస్తవమేనని, డీజీపీ సవాంగ్‌.. సీఎం జగన్‌కు తొత్తుగా పని చేస్తున్నారని బుద్దా వెంకన్న ఈ సందర్భంగా ఆరోపించారు..

ఈరోజు ఉదయం మీడియా సమావేశంలో బుద్దా వెంకన్న మాట్లాడుతూ.. సంక్రాంతికి గుడివాడలో క్యాసినో నిర్వహించారని, అందులో డీజీపీ వాటా ఉన్నందునే మంత్రి కొడాలి నానిపై చర్యలు తీసుకోవడం లేదని వ్యాఖ్యానించారు. తెదేపా అధినేత చంద్రబాబు ఇంటివైపు వస్తే కొడాలి నానిని చంపడానికైనా.. తాను చావడానికైనా సిద్ధమని బుద్దా తీవ్ర వ్యాఖ్యలు చేశారు. ఈ నేపథ్యంలోనే ఆయన్ని పోలీసులు అరెస్టు చేసినట్లు తెలుస్తోంది.