AP news: ధాన్యం కొనుగోళ్ల లెక్క‌లు అస‌త్యం: దేవినేని

అమ‌రావ‌తి: ఏపీలో ధాన్యం కొనుగోళ్ల‌కు సంబంధించి మంత్రి కొడాలి నాని అస‌త్య‌పు లెక్క‌లు చెబుతున్నార‌ని మాజీ మంత్రి దేవినేని ఉమ ఆరోపించారు. సీఎం జ‌గ‌న్ క‌ళ్ల‌లో ఆనందం కోస‌మే తెదేపా అధినేత చంద్ర‌బాబు, ఆ పార్టీ జాతీయ ప్ర‌ధాన కార్య‌ద‌ర్శి లోకేశ్‌పై విమ‌ర్శ‌లు చేస్తున్నార‌న్నారు. ధాన్యం కొనుగోళ్ల‌కు సంబంధించి రూ.5,308 కోట్లు చెల్లించాల్సి ఉందని చెప్పారు. కేవ‌లం రూ.1,637 కోట్లు ఇచ్చి అంతా ఇచ్చిన‌ట్లు చెబుతున్నార‌ని ఆక్షేపించారు. ధాన్యం కొనుగోళ్లు, చెల్లింపుల‌పై శ్వేత ప‌త్రం విడుద‌ల చేయాల‌ని ఆయ‌న డిమాండ్ చేశారు. ద‌ళారులు, వ్యాపారులు కుమ్మక్కై వ్యాపారుల‌ను దోచేసుకుంటున్నార‌ని మండిప‌డ్డారు.