Updated : 28 May 2022 06:51 IST

TDP mahanadu: ‘‘క్విట్‌ జగన్‌ - సేవ్‌ ఏపీ’’ పేరుతో తెదేపా రాజకీయ తీర్మానం

ఒంగోలు: పొత్తుల గురించి ఎలాంటి ప్రస్తావన లేకుండానే మహానాడులో తెలుగుదేశం పార్టీ రాజకీయ తీర్మానం ప్రవేశపెట్టింది. ఎప్పుడు ఎన్నికలొచ్చినా సిద్ధంగా ఉండాలంటూ రాజకీయ తీర్మానంలో ప్రస్తావించింది. రాష్ట్ర ప్రయోజనాల కోసం పక్కా వ్యూహాలతో వెళ్లాల్సిన అవసరం ఉందంటూ రాజకీయ తీర్మానంలో స్పష్టం చేసింది. దూరమైన వర్గాలను తిరిగి దగ్గరకు చేర్చుకోవాలని యనమల రామకృష్ణుడు ప్రవేశపెట్టిన రాజకీయ తీర్మానాన్ని రావుల చంద్రశేఖర్ రెడ్డి బలపరిచారు.

‘‘క్విట్ జగన్ - సేవ్ ఏపీ అనేది పార్టీ ప్రధాన నినాదం. 40 ఏళ్ల వేడుకతో మరొకసారి కొత్త పోరాటానికి సిద్ధమవుదాం. స్వార్థ రాజకీయ శక్తుల కుట్రలను ప్రజల్లోకి తీసుకెళ్లాల్సిన బాధ్యత నాయకులు, కార్యకర్తలపై ఉంది. చరిత్ర ఎరుగని సంక్షోభంలోకి రాష్ట్రాన్ని, ప్రజలను.. సమాజం ఎరుగని బాధల్లోకి నెట్టిన విధానాన్ని వివరించాలి. ప్రభుత్వ అసమర్థ, ప్రజా వ్యతిరేక విధానాలపై ఉద్యమాలు చేయాలి. అంబేడ్కర్, మహాత్మా గాంధీ, బాబూ జగ్జీవన్ రాం వంటి మహనీయుల ఉన్నత ఆశయాలకు తూట్లు పొడిచేలా జగన్ పాలన సాగుతోంది. తెలుగుదేశం పార్టీ ఆవిర్భావం ముందు నాటి పరిస్థితులు నేడు రాష్ట్రంలో నెలకొన్నాయి. రానున్న రోజుల్లో యువత, మహిళలకు అధిక ప్రాధాన్యం ఇస్తున్నాం. మరో వందేళ్లకు సరిపడా నాయకత్వాన్ని అందించేలా ప్రణాళికతో ముందుకెళ్లాలి. ప్రజలకు స్వేచ్ఛ, స్వాతంత్ర్యాలు ఇవ్వడం కోసం నాడు గాంధీ పోరాటం చేశారు. నేడు వైకాపా అరాచక పాలనలో బందీ అయిన రాష్ట్రాన్ని విముక్తి చేయడానికి తెలుగుదేశం పోరాడుతోంది’’ అని తీర్మానంలో స్పష్టం చేసింది.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని