Andhra News: అమరావతి రైతులకు ఏదైనా జరిగితే ప్రభుత్వానిదే బాధ్యత: కనకమేడల

ఎన్నికలకు ముందు అమరావతికి అభ్యంతరం లేదని చెప్పి.. ఎన్నికల తర్వాత సీఎం జగన్‌ మాట మార్చి మడమ తిప్పారని తెదేపా ఎంపీ కనకమేడల రవీంద్రకుమార్‌ ధ్వజమెత్తారు. కులాలు, ప్రాంతాల వారీగా ప్రజల మధ్య చిచ్చుపెడుతున్నారని ఆక్షేపించారు. ఉత్తరాంధ్ర ప్రజలను రెచ్చగొట్టేలా సీఎం మాట్లాడారని.. రైతులకు ఏదైనా జరిగితే రాష్ట్ర ప్రభుత్వమే బాధ్యత తీసుకోవాలన్నారు.

Published : 04 Oct 2022 16:14 IST

అమరావతి: చట్టం ముసుగులో ఏపీలో అరాచకాలు జరుగుతున్నాయని తెదేపా ఎంపీ కనకమేడల రవీంద్రకుమార్‌ ఆరోపించారు. ఎన్నికల ముందు ఇచ్చిన హామీలకు.. చేసే పనులకు పొంతన లేదన్నారు. అభివృద్ధి వికేంద్రీకరణ పేరుతో ప్రజలను తప్పుదారి పట్టిస్తున్నారని మండిపడ్డారు. అసెంబ్లీ వేదికగా సీఎం జగన్‌ అసత్యాలు చెబుతున్నారన్నారని ఆరోపించారు. ఎన్నికలకు ముందు అమరావతికి అభ్యంతరం లేదని చెప్పి.. ఎన్నికల తర్వాత మాట మార్చి మడమ తిప్పారని ధ్వజమెత్తారు. కులాలు, ప్రాంతాల వారీగా ప్రజల మధ్య చిచ్చుపెడుతున్నారని ఆక్షేపించారు. ఉత్తరాంధ్ర ప్రజలను రెచ్చగొట్టేలా సీఎం మాట్లాడారని.. రైతులకు ఏదైనా జరిగితే రాష్ట్ర ప్రభుత్వమే బాధ్యత తీసుకోవాలన్నారు. రైతుల పాదయాత్రకు ప్రజల నుంచి విశేష స్పందన వస్తోందన్నారు. కొంత మంది శాంతి భద్రతల సమస్య సృష్టించాలని చూస్తున్నారని పేర్కొన్నారు. ఆదాయం పెరిగింది.. అప్పులు రెండు రేట్లు పెరిగాయి.. ప్రాజెక్టులు ఆగిపోయాయి.. తెచ్చిన డబ్బులకు లెక్కలు లేవని అసహనం వ్యక్తం చేశారు. ఏపీ ప్రభుత్వం కేంద్రం నిధులను పక్కదారి పట్టిస్తుందని కేంద్ర ప్రభుత్వమే చెబుతోందని తెలిపారు. రాష్ట్ర ఆర్థిక పరిస్థితిపై కేంద్ర ప్రభుత్వం జోక్యం చేసుకోవాలని కనకమేడల కోరారు. అవినీతి లేదనుకుంటే శ్వేతపత్రం విడుదల చేయాలని డిమాండ్ చేశారు. మూడున్నరేళ్లుగా ఆర్థిక అంశాలపై రాష్ట్ర ప్రభుత్వాన్ని ప్రశ్నిస్తున్నా.. స్పందించడం లేదన్నారు. ఆదాయం, అప్పులు, ఖర్చులపై రాష్ట్ర ప్రభుత్వం స్పష్టత ఇవ్వాలని కనకమేడల డిమాండ్ చేశారు.

Read latest Politics News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని