Andhra News: అది.. జగన్‌ సకుటుంబ సపరివార సమేతంగా చేసిన కుట్ర: గోరంట్ల

రాజమహేంద్రవరం: మాజీ మంత్రి వైఎస్‌ వివేకానందరెడ్డి హత్య కేసును సీఎం జగన్‌ తప్పుదోవ పట్టిస్తున్నారని తెదేపా ఎమ్మెల్యే గోరంట్ల బుచ్చయ్య చౌదరి ఆరోపించారు. జగన్‌ను అరెస్టు చేసి కేసు లోగుట్టును సీబీఐ వెలికితీయాలని ఆయన డిమాండ్‌ చేశారు. రాజమహేంద్రవరంలోని ప్రెస్‌క్లబ్‌లో గోరంట్ల మీడియాతో మాట్లాడారు. వివేకా కేసును తప్పుదోవ పట్టించడంలో జగనే దోషి అని చెప్పారు. జగన్‌ సకుంటుంబ సపరివార సమేతంగా చేసిన కుట్ర ఫలితమే వివేకా హత్య అని ఆరోపించారు. ఈ హత్య కేసులో సాక్షులను బెదిరిస్తున్నారని గోరంట్ల అన్నారు. జగన్‌ పాలనలో రాష్ట్రంలో అంతులేని అరాచకాలు జరుగుతున్నాయని విమర్శించారు. ఆర్థిక ఉగ్రవాది పాలనలో రాష్ట్ర పరిస్థితి అధ్వానంగా మారిందని గోరంట్ల ఎద్దేవా చేశారు.