AP News: ఆర్థిక అరాచకత్వంపై కేంద్రం ఇంత తీవ్రంగా ఎప్పుడూ స్పందించలేదు : పట్టాభి

అమరావతి: రాష్ట్రంలో ఆర్థిక క్రమశిక్షణ లోపించడం వల్ల ఖజానా దివాలా తీసిందని తెదేపా అధికార ప్రతినిధి పట్టాభి ధ్వజమెత్తారు. గతంలో వివిధ బ్యాంకుల నుంచి డ్రా చేసిన సొమ్ములకు తక్షణమే లెక్కలు చూపాలని కేంద్ర ఆర్థిక శాఖ రాసిన లేఖ జగన్‌ సర్కారుకు చెంపపెట్టు అని తెలిపారు. రోడ్లు, వివిధ అభివృద్ధి ప్రాజెక్టుల పేరుతో చేసిన దోపిడీ ఈ లేఖతో తేటతెల్లమవుతోందన్నారు. రాష్ట్ర చరిత్రలో ఎన్నడూ లేని విధంగా కేంద్ర ఆర్థిక శాఖ లేఖ రాసిందని పట్టాభి చెప్పారు. ఆర్థిక అరాచకత్వంపై కేంద్రం ఇంత తీవ్రంగా ఎప్పుడూ స్పందించలేదని తెలిపారు. ఇందుకు ముఖ్యమంత్రి సిగ్గుతో తలదించుకోవాలని పట్టాభి అన్నారు.