Chandrababu: వివేకా హత్య కేసులో జగన్‌ పాత్ర జగమెరిగిన సత్యం: చంద్రబాబు

రాజమహేంద్రవరం: మాజీ మంత్రి వైఎస్‌ వివేకానందరెడ్డి హత్య కేసులో సీఎం జగన్‌ పాత్ర జగమెరిగిన సత్యమని తెదేపా అధినేత చంద్రబాబు నాయుడు అన్నారు. సీఎం జగన్‌ పేరును సీబీఐ అదనపు అఫిడవిట్‌లో ప్రస్తావించడంపై రాజమహేంద్రవరంలో జరిగిన తెదేపా పొలిట్‌ బ్యూరో సమావేశంలో చర్చించారు. వివేకా హత్యకేసును ఎన్ని మలుపులైనా తిప్పుతారని వ్యాఖ్యానించారు. అంతఃపురం కుట్ర భయటపడుతుందనే ఇంతకాలం అవినాష్‌ రెడ్డి అరెస్టును అడ్డుకుంటున్నారని పేర్కొన్నారు. 

అందుకే ఇంతకాలం సీబీఐకి సహకరించకుండా పోలీసుల్ని అడ్డు పెట్టుకున్నారని ఆరోపించారు. అవినాష్ అరెస్టు కాకుండా ఉండేందుకే మరో డేరాబాబా ఎపిసోడ్‌కు తెర తీశారని చంద్రబాబు అన్నారు. మహానాడు ఏర్పాట్లుు, ప్రభుత్వ అడ్డంకులు, తీర్మానాలు వంటి అంశాలపై పొలిట్‌ బ్యూరోలో చర్చించారు. మహానాడులో రెండ్రోజుల పాటు జరిగే కార్యక్రమాలపై పొలిట్‌ బ్యూరో సభ్యులకు రాష్ట్ర అధ్యక్షుడు అచ్చెన్నాయుడు వివరించారు.