Published : 28 Dec 2021 01:09 IST

AAP: చండీగఢ్​ మున్సిపల్ కార్పొరేషన్​ ఫలితాలు.. ఇది ట్రైలర్‌ మాత్రమేనన్న ఆమ్‌ఆద్మీ

చండీగఢ్​: పంజాబ్ స్థానిక సంస్థల ఎన్నికల్లో అరవింద్ కేజ్రీవాల్ నేతృత్వంలోని ఆమ్​ఆద్మీ పార్టీ (ఆప్​) సత్తా చాటింది. చండీగఢ్​ మున్సిపల్ కార్పొరేషన్​కు జరిగిన ఎన్నికల్లో 14 స్థానాల్లో ఆప్ విజయం సాధించింది. శుక్రవారం ఎన్నికలు జరగగా సోమవారం కౌంటింగ్ నిర్వహించారు. చండీగఢ్​ మున్సిపల్ కార్పొరేషన్​లో మొత్తం 35 స్థానాలు ఉండగా.. ఆప్​ 14 స్థానాల్లో గెలుపొందింది. భాజపా 12 స్థానాలు, కాంగ్రెస్​ 8 స్థానాలకు పరిమితమయ్యాయి. శిరోమణి అకాలీ దళ్​ ఒకే స్థానంతో సరిపెట్టుకుంది. చండీగఢ్ సిట్టింగ్ మేయర్​ రవికాంత్ శర్మ(భాజపా)ను ఆప్ అభ్యర్థి దమన్​ప్రీత్ సింగ్​ 828 ఓట్ల తేడాతో ఓడించడం గమనార్హం. మాజీ మేయర్, భాజపా అభ్యర్థి దావేశ్ మౌడ్గిల్‌పై ఆప్ అభ్యర్థి జస్బీర్ 939 ఓట్ల తేడాతో గెలుపొందారు.

మున్సిపల్ కార్పొరేషన్ ఎన్నికల్లో విజయంపై ఆప్ అధినేత అరవింద్ కేజ్రీవాల్ హర్షం వ్యక్తం చేశారు. ‘పంజాబ్​లో మార్పునకు ఇది సంకేతం. అవినీతి రాజకీయాలను ప్రజలు తిరస్కరించి ఆప్‌ని ఎన్నుకున్నారు. మాలాంటి చిన్న, నిజాయితీ గల పార్టీపై ఇంతటి ప్రేమ, నమ్మకాలను చూపించినందుకు ఆప్​, అరవింద్ కేజ్రీవాల్ తరఫున చండీగఢ్ ప్రజలకు ధన్యవాదాలు చెబుతున్నా’ అని వ్యాఖ్యానించారు. పంజాబ్‌ రాజకీయాలపై దృష్టిసారించిన ఆప్​కు దక్కిన మొదటి విజయం ఇది. గెలుపుపై ఆప్‌ నేతలు స్పందిస్తున్నారు. ‘చండీగఢ్ ఎన్నికలు ట్రైలర్ మాత్రమే.. పంజాబ్​ ఎలక్షన్లు అసలైన సినిమాను చూపిస్తాయి’ అని ఆ పార్టీ నేత రాఘవ్ చద్ధా పేర్కొన్నారు. పంజాబ్​లో తమ పార్టీకి ఘనమైన స్వాగతం లభించిందని దిల్లీ ఉపముఖ్యమంత్రి మనీశ్ సిసోడియా సంతోషం వ్యక్తం చేశారు.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని