AP News: ఆ ఆడియో టేపులపై విచారణ అవసరం: వాసిరెడ్డి పద్మ

అమరావతి: ఏపీలో ఇటీవల పలువురు అధికార పార్టీ నేతలకు సంబంధించినవిగా పేర్కొంటున్న ఆడియో టేపులపై విచారణ అవసరం ఉందని రాష్ట్ర మహిళా కమిషన్‌ ఛైర్‌పర్సన్‌ వాసిరెడ్డి పద్మ అన్నారు. ఆడియో టేపుల్లోని మాటలు తమవి కావని నేతలు అంటున్నారని.. ఈ వ్యవహారంపై వారిని విచారణ కోరతామన్నారు. మహిళా కమిషన్‌ తరఫున సమాచారం తెప్పించుకుంటామని తెలిపారు. అసభ్యకర ప్రవర్తనపై మహిళా కమిషన్‌ చూస్తూ ఊరుకోదని పద్మ స్పష్టం చేశారు. మరో వైపు ఇటీవల గుంటూరులో నడిరోడ్డుపై హత్యకు గురైన ఎస్సీ యువతి రమ్య ఘటనపై కూడా ఆమె స్పందించారు. ఘటనపై తెదేపా 21 రోజుల డెడ్‌లైన్‌ సరికాదన్నారు. నిందితులపై ప్రభుత్వం చర్యలు తీసుకుంటుందని వివరించారు.