AP News: ప్రభుత్వాన్ని రద్దు చేసి ఎన్నికలకు వెళ్లే ధైర్యముందా?: అచ్చెన్న

అమరావతి: పరిషత్‌ ఎన్నికల్లో ప్రజాస్వామ్యాన్ని వైకాపా ఖూనీ చేసిందని తెదేపా ఏపీ అధ్యక్షుడు కింజరాపు అచ్చెన్నాయుడు ఆరోపించారు. వైకాపా తీరు వల్లే పరిషత్‌ ఎన్నికలను తెదేపా బహిష్కరించిందని చెప్పారు. అధికార పార్టీకి అధికారులు, పోలీసులు సహకరించారని.. ఈ ఎన్నికలు ప్రజాభిప్రాయం కాదన్నారు. ప్రభుత్వాన్ని రద్దు చేసి ఎన్నికలకు వెళ్లే ధైర్యం జగన్‌కు ఉందా అని ప్రశ్నించారు. రాష్ట్రంలో చట్టాల ఉల్లంఘన, రాజ్యాంగ ధిక్కరణ జరుగుతోందని అచ్చెన్న విమర్శించారు. ప్రజాస్వామ్యాన్ని వైకాపా ఎలా అపహాస్యం చేసిందో దేశం మొత్తం చూసిందన్నారు. మెజారిటీ స్థానాల్లో ఏకగ్రీవం కోసం అక్రమ కేసులు బనాయించారని ఆయన ఆరోపించారు.