AP News: వాళ్లిద్దరూ ప్రధాని అయినా ‘హోదా’ ఇవ్వడం జరగదు: సుజనా చౌదరి

విజయవాడ: ప్రత్యేకహోదా ముగిసిపోయిన అంశమని.. దానికి ప్రతిగా కేంద్రం ఇచ్చే రాయితీలను అందుకోవడంలో రాష్ట్ర ప్రభుత్వం విఫలమైందని భాజపా ఎంపీ సుజనాచౌదరి అన్నారు. వ్యవస్థ మారిందని.. ప్రస్తుత పరిస్థితుల్లో జగన్‌, చంద్రబాబు ప్రధానమంత్రి అయినా ప్రత్యేకహోదా ఇవ్వడం జరగదన్నారు. విజయవాడలో సుజనా చౌదరి మీడియాతో మాట్లాడారు. 

రాష్ట్రంలో అరాచక పాలన, పోలీస్‌ వ్యవస్థ తీరును కేంద్రం గమనిస్తోందని.. సరైన సమయంలో నిర్ణయం తీసుకుంటుందని ఆయన చెప్పారు. పోలీసులు వైకాపా కార్యకర్తల్లా వ్యవహరిస్తున్నారని సుజనాచౌదరి ఆక్షేపించారు. రాజధానిగా అమరావతి కొనసాగుతుందని.. దాన్ని ఒక్క అంగుళం కూడా ఎవరూ కదిలించలేరని వ్యాఖ్యానించారు.