Huzurabad ByElection: హరీశ్‌రావు అక్కడ నుంచి వెళ్లిపోవాలి.. ఎన్నికల ప్రధాన అధికారికి ఫిర్యాదు

హైదరాబాద్‌: హుజూరాబాద్‌ ఉప ఎన్నికలో మంత్రి హరీశ్‌రావు అధికార దుర్వినియోగానికి పాల్పడుతున్నారని కిసాన్ కాంగ్రెస్ జాతీయ ఉపాధ్యక్షుడు కోదండరెడ్డి ఆరోపించారు. ఈ మేరకు రాష్ట్ర ఎన్నికల ప్రధాన అధికారి శశాంక్‌ గోయల్‌కు ఫిర్యాదు చేశారు. మంత్రి హోదాలో ఉన్న హరీశ్‌రావు ఎన్నికల ప్రక్రియను ప్రభావితం చేస్తున్నారని తెలిపారు. నెల రోజుల నుంచి హుజూరాబాద్‌ నియోజకవర్గంలోనే ఉంటూ ప్రచారం చేస్తున్నారన్నారు. హుజూరాబాద్‌ నియోజకవర్గం నుంచి హరీశ్‌రావు వెంటనే బయటకు రావాలని.. ప్రచారం చేస్తే మంత్రి పదవికి రాజీనామా చేయాలని డిమాండ్ చేశారు.