CPI Narayana: మోదీ దేశాన్ని హోల్‌సేల్‌గా అమ్మేస్తున్నారు: నారాయణ

శ్రీకాకుళం: ప్రధాని మోదీ సర్కారు దేశాన్ని హోల్‌సేల్‌గా కార్పొరేట్‌ కంపెనీలకు అమ్మేస్తోందని సీపీఐ జాతీయ కార్యదర్శి నారాయణ మండిపడ్డారు. ప్రభుత్వ రంగ సంస్థల ప్రైవేటీకరణతో దేశ ఆర్థిక వ్యవస్థకు నష్టం కలుగుతోందని.. ఇందుకు కారణమైన ప్రధాని రాజీనామా చేయాలని డిమాండ్‌ చేశారు. శ్రీకాకుళంలోని సీపీఐ జిల్లా కార్యాలయంలో  ఆయన మీడియాతో మాట్లాడారు.  19 రాజకీయ పార్టీలతో కలిసి ఈ నెల 27న భారత్‌బంద్‌ కార్యక్రమం నిర్వహిస్తున్నామన్నారు. ప్రైవేటు కంపెనీలకు పెద్ద మొత్తంలో రాయితీలు ఇచ్చి.. ప్రభుత్వ రంగ సంస్థలకు రిక్తహస్తం చూపిస్తున్నారని నారాయణ ఆగ్రహం వ్యక్తం చేశారు.